الميكروباص و السلطة

by muhammad ayman

السلطة عبارة عن ركوبة ميكروباص ….. ليك واحد من تلات مقاعد فى الميكروباص ….يا قاعد فى أول كنبة بعد السواق ..بتلم الأجرة من اى حد يطلع الميكروباص …اول واحد يعرف ينزل من الميكروباص عشان جنب الباب …و ده معناه انك جيت فى السلطة بعد اول ثورة و بيبقى عليك مشاكل كتير من اللى حوليك …بس لما بتمشى من السلطة  بتمشى بسهولة جدا..النوع التانى لما تكون قاعد فى نص الميكروباص و عمال بتلم بس من اللى وراك الأجرة و بيكون النزول صعب بالنسبة ليك….ده معناه انك وقعت بين عهدين و بتشيل حمل الاتنين اللى قبليك واللى بعديك …و النوع الأخير بيبقى قاعد فآخر الميكروباص و ده مبتواجهوش اى مشكلة فى جمع الأجرة بس بيواجه صعوبة جدا فى النزول ….ده بيبقى جه فآخر عهد ناس و مش عارف يسيب الحكم بسبب العهود اللى قبليه و مطالب الناس المتعلقة عليه و بينزل بالعافية عن الحكم و محدش بيعلق على فترة حكمه بحجة انه جه فى الاخر …. ….اخيراً نصيحة : اركب فى الكرسى جنب السواق ( المجلس العسكرى) هتنزل براحتك و مش هتلم الأجرة و تتعب نفسك بس هتسيب العسكر ( السواق)  يحك فى فترة حكمك براحته بالفتيس بتاعه ( السلاح ) …ااااايوة على جنب ياسطا هنا 😀

Advertisements