عودة الابن الضال 1

by muhammad ayman

الفصل الاول : “تلقين”
-الباب يدق , والام تنادى :”يللا يا حبيبى الفطار جاهز ….يللا عشان متتأخرش على المدرسة و ده اول يوم !”
-الابن يرد :”حاضر يا ماما , انا جهزت أهو ”
أثناء الفطور يدور بينهما حوار كالآتى :
-الام :” عايزاك تطلع الاول على المدرسة كلها وتخلص السندوتشات كلها ومتنساش قبل ما تمشى تبقى تصلى الصبح عشان متروحش النار و تروح الجنة ”
– الابن يرد :”حاضر يا ماما”
يضع قبلة على جبين امه وينزل من بيته ليذهب للمدرسة وينسى أداء الصلاة
ثم يعود منهكا لتسأله أمه : “صليت الضهر يا حبيبى ؟”
-الابن يكذب : “ايوة فجامع المدرسة ”
-الام :”شاطر يا حبيبى ”
اذان العصر يؤذن
-الابن :”انا هخش انام شوية عشان تعبان يا ماما”
-الام :”خلاص يا حبيبى ماشى بس صلى قبل ما تنام العصر !”
الابن يذهب لينام بدون أداء الصلاة و يصحو بعد اذان العشاء متعمدا عدم أداء صلاة المغرب
ثانى يوم فى المدرسة :
يذهب الابن ليحضر درس دين عن الصلاة و اهميتها لكل الاديان
-المعلم :”يا ولاد الصلاة مهمة جدا فى حياتنا ومن غيرها احنا منفرقش عن الكفار الا فى الاسماء ودى تانى ركن من اركان الاسلام بعد الشهادة و ان اللى ميصليش ربنا هيعذبه فى نار جهنم *بصوت شرير*”
يخاف الابن من صوت المعلم ويتكون فى خياله ابشع صور التعذيب فى النار ويقرر مع نفسه الا يقصر ابداً فى الصلاة
ثالث يوم فى المدرسة :
يصحو الابن بعد رنين المنبه ويصلى الفجر وحده فى ظلام الليل ثم يعود لنومه ….ومنذ ذلك اليوم وهو ملتزم لا يفقه لماذا ولكنه خائف من عذاب الله ونسى رحمته وأن الله لم يخلقه ليخشاه وانما ليعبده محبة و تقربا اليه كما قال سيدنا على زين العابدين بن الحسين رضى الله عنهما :”وكان يقول : إن قوما عبدوا الله رهبة فتلك عبادة العبيد ، وآخرين عبدوه رغبة فتلك عبادة التجار ، وقوما عبدوا الله شكرا ومحبة فتلك عبادة الأحرار وهى افضل العبادة ”
بعد فترة من انتظام الابن فى الصلاة يرى ذلك الاب بوضوح مستغربا من هذا الاداء الغير معتاد من طفل فى الخامسة من عمره
وفى مرة كان الابن يصلى قيام الليل وأباه يراه و يتكلم فى التليفون ثم فرغ كل منهما من شغلته حتى حدث ما حدث :
-الابن:”بابا …..انت ليه مبتصليش غير الجمعة ؟”
الاب وقف مذهولا من سؤال الابن الغير متوقع بالمرة و الذى وضعه فى موقف لا يحسد عليه
-الاب”:…….آآآآآآآ ان شاء الله يابنى المهم ركز انت فمذاكرتك ”
الفصل الثانى :”شيب وشباب” (بعد 15 عام)
دخل الابن الجامعة وتوفت الام و دخل الاب المستشفى
الابن يزور اباه فى المشفى
-الاب :”عامل ايه يابنى فى حياتك ومذاكرتك ؟….*كحة*”
-الابن :”الحمدلله يا بابا بإذن الله تخف وتخرج معايا وتشوف انا بعمل ايه فى حياتى بنفسك *مبتسما وهو يعلم مرض ابيه*”
-الاب :”يابنى انا خلاص عارف انى يومى قرب ….اهتم بنفسك بس ومتشغلش نفسك بيا وانا ابقا كويس ”
-الابن :”بعد الشر عليك يا بابا …..آآآآآآ”
-الاب :”عايز تقول ايه يابنى ”
-الابن :”انا الحمدلله حفظت القرآن كله يا بابا وفهمت الدين عن حق وعشان كدة كنت عايز اكلمك فى موضوع كنا اتكلمنا زمان عليه…..”
-الاب:”طب الحمدلله …..قول يابنى ومتتكسفش”
-الابن:”بابا انت تعبان و ضيعت شبابك كله ومصليتش و حتى محاولتش ترجع وتصلى وتستغفر ربنا ”
-الاب :”بص يابنى….انا طول عمرى بسأل نفسى السؤال ده كل يوم قبل ما انام , انا امتى هصللى امتى هرجع اقول لربنا انى غلطان وعايز اتوب ليه بس بنام واخدع نفسى واقول هاقوم الصبح واصلى وانت عارف ان ده محصلش , مع كل خطبة جمعة اقعد اعيط واقول نفس الكلام و لكن هيهات ”
-الابن باكياً :”انا خايف عليك من يوم الحساب محدش هينفعك , ازاى احنا كنا بنقول هنروح نصلى فى القدس واحنا مبنصليش اصلا ! ”
-الاب *وكأن الشيطان يتكلم *:”ماشى ماشى لما اخف هبقى ارجع اصلى صدقنى *ويدير وجهه و يغير موضوع الحديث*”
يترك الابن اباه ملقى على سرير المرض و يذهب للمنزل بعد تقبيله والدعاء له بالشفاء

الفصل الثالث :
الاب يتوفى فى اليوم التالى و الابن …..
#يتبع

Advertisements