فريداااااام

by muhammad ayman

بصوت ميل جيبسن في فيلم بريڤهارت و اخر مشهد و اخر كلمة اللي لخص بيها اهم معاني الانسانية على الإطلاق .

فيلمين زي the great escape و the Shawshank Redemption بيتكلموا برضه عن نفس المبدأ و الحق الأساسي لكل فرد في الحياة و هو الحرية ؛ الحرية في نظري هي الحاجة الوحيدة اللي ممكن الواحد يضحي بكل المبادئ الأخرى اللي في الدنيا مقابل الحصول عليها .ازاي الواحد ممكن يعيش في مكان و هو عنده حق مسلوب سواء حرية رأي او ديانة او جنس او غيره ، اعتقد انه بيبقى ميت و هو مجبر على عدم ابداء الحق ده ومتخيلش انه هيبقى سعيد على الإطلاق طالما هو محبوس و لو حتى معنوياً .طالما الشخص ده بيعمل اللي هو عايزه و مرتاح و انا مرتاح و بعمل اللي انا عايزه و ولا هو أذاني بأي طريقة او العكس يبقى مفيش اي مشاكل و كل واهد في هالو .

اما بقا الناس اللي مش عارفة قيمة الحرية او مبيحترموش الا حريتهم اللي هي اساسا مش عندهم دول هما الوحيدين اللي يجب تخصيص القانون ليهم و أولهم المصريين اللي مصنفين في قمة اكثر الدول عنصرية على مستوى العالم من عنصرية لللون او للمرأة او للدين او لغيرهم ، اللي الجهل قبع في عقولهم اكتر من ال Homo Sapiens .

احنا مش محتاجين نتطور او نفهم اللي بيحصل في اي مكان برا ، لأ الموضوع ده مستحيل بالنسبة للعقل المصري المترّب؛ احنا محتاجين نفضل في جهلنا ده لحد ما هيجي وقت و نتوقف عن التطور (اللي واضح انه فعلا حصل ) و هننقرض او هنتحول لقرود تاني(ولو فكريا)  زي ما الدكتور مصطفى محمود قال و في الاخر زي ما بقول دايما ؛ المصريين اخرتهم وحشة .



Advertisements